04იან
2018
„არადიეტური დიეტა“ - პრინციპების სახელმძღვანელო, რომელიც დაგეხმარებათ როგორც წონის დაკლებაში, ასევე მის შენარჩუნებაში.


სადღესასწაულო დღეებში თქვენ ებრძვით მომატებულ კალორიებს და ეძებთ ახალ დიეტებს ზედმეტი კილოგრამების გასაქრობად.

დროა არჩიოთ „არადიეტური დიეტა“ - პრინციპების სახელმძღვანელო, რომელიც დაგეხმარებათ როგორც წონის დაკლებაში, ასევე მის შენარჩუნებაში.

არადიეტური დიეტა არის მათთვის, ვისაც ოდესმე ორშაბათიდან დიეტის დაწყება მოუნდომებია, ეს არის ჯანსაღად კვების ცხოვრების წესად ქცევა.

უამრავი ადამიანი მიიჩნევს, რომ დროით განსაზღვრული დიეტები, როგორიცაა: 10 დღიანი, 30 დღიანი ან 45 დღიანი, უარყოფითად მოქმედებს ადამიანის ფსიქიკაზე და შედეგიც არასასურველია. განსაზღვრული ვადებით თქვენ თავს განაწყობთ მარცხისკენ, დიეტების ციკლი  დაუსრულებელ სახეს იღებს. თუ, რაციონში შეზღუდული გაქვთ ცომეული და მის მისაღებად ელოდებით როდის მორჩება დიეტა, დაკარგულ წონასაც აინაზღაურებთ, თან დამატებით რამოდენიმე კილოგრამსაც სწრაფად აიკრეფთ. როდესაც გარკვეულ საკვებს ხდით მიუწვდომელს, გონება ფოკუსირდება მისგან თავის დაცვისკენ, ეს კი საკვების მიმართ არაჯანსაღ დამოკიდებულებას ქმნის. ბალანსირებული, ჯანსაღი კვება უზრუნველყოფს გონებისა და სხეულის გაჯანსაღებას.  წარმატებული შედეგისთვის მკაცრი წესების დაცვა სასურველი სულაც არაა, რაც ტიპიურია უმეტესი დიეტისთვის, მნიშვნელოვანია იყოთ თავისუფალი საკვების არჩევანში.

 

 

 

არადიეტური დიეტისთვის ერთ-ერთი მნიშვნელოვანი ასპექტია იკვებოთ დანაშაულის გრძნობის გარეშე. სასურველი შედეგის მიღწევის მთავარი გასაღები რაციონის სწორ განაწილებაშია, მიღებული/მისაღები საკვები პროდუქტების დაბალანსირებაში, მათი შემცველობის მიხედვით. მაგალითად თუ თქვენ საღამოს მიდიხართ  რესტორანში, სადაც იცით რომ გელოდებათ გემრიელი დესერტი, დღის განმავლობაში შეამცირეთ მისაღები სახამებლის რაოდენობა და საღამოს მიირთვათ საყვარელი ტკბილეული. მთავარი იდეოლოგიაა - ისიამოვნოთ დესერტით, როდესაც მას მიირთმევთ, და არ დაისაჯოთ თავი მისი დაგემოვნების გამო.

ყურადღება მიაქციეთ კვების რაციონში პროტეინისა და მარცვლოვანი პროდუქტის შემცველობას. პროტეინით მდიდარი საკვები ამცირებს მადას - თქვენ ღებულობთ ნაკლებ კალორიას. მარცვლოვანი საკვები - კი ამცირებს სისხლში შაქრის  შემცველობას.

 

 

 

ორგანიზმისთვის მნიშვნელოვანია საკვების მიღება ან წახემსება ყოველ ოთხ საათში.

არ დაგავიწყდეთ, საკვების რაოდენობასთან ერთად საყურადღებოა მისი ხარისხიც. თუ თქვენ მიიღებთ საჭირო საკვებს საჭირო დროს, შედეგს მარტივად მიაღწევთ.